Skawiró:wane oká:ra The Turkey Story

Tsiahiakseresón:ni wa’tkatohtáhrho tsi ie’serehtaientáhkhwa.

Thontaiawénhtsi oh nahò:tenk wakathón:te ka’k nón:we

iorá:kahre. Só:’k ia’katke’tò:ten waken skaià:ta skawiró:wane.

Kwah í:kehre ónhte watatewenní:io. Tho ohén:ton akwathentà:ke

akenonhsaktón:kie í:wes Tho tontaiohahiia’konhákie tánon

wa’ketshá:nike wá:ts kà:sere enió:kwahte. Só:k

wa’katerennó:ten, “Kanahskwí:io, Kanahskowá:nen, Ka’wahrákon ki’

ná:’a!”

Ia’tkatá’tsi wa’tewatkahthónnionhwe ónkken só:’k

thonontakaié:ra’te tsi nón:we ní:ke. Kwah

tontaiononniahkonhákie Wa’kanonhtónnionhwe “hmmmmmm”

Wa’kenón:wake ne skawiró:wane ka’wa’rákon ki’ ná:’a

akate’skón:ten

1. Tsiahiakseresón:ni The other week

2. Wa’tkatohtáhrho I cleaned

3. Tsi ie’serehtaientáhkhwa The garage

4. Thontaiawénhtsi Suddenly

5. Oh nahò:tenk Something

6. Wakathón:te I heard

7. Ka’k nón:we Somewhere

8. Iorá:kahre There is a noise

9. Só:’k ia’katke’tò:ten Then I looked out

10. Wákken I saw it

11. Skaià:ta One

12. Skawiró:wane Turkey

13. Kwah í:kehre ónhte I think

14. Watatewenní:io It is wild

15. Tho ohén:ton There in the front

16. Akwathentà:ke On my field

17. Akenonhsaktón:kie Along my house

18. Í:wes It is roaming

19. Tho tontaiohahiia’konhákie There, it crossed the street

20. Tánon wa’ketshá:nike I was scared

21. Wá:ts kà:sere Maybe a car

22. Enió:kwahte It will hit it

23. Só:k wa’katerennó:ten Then I sang

24. Kanahskwí:io It is a nice animal

25. Kanahskowá:nen It is a big animal

26. Ka’wahrákon ki’ ná:’a It is good meat

27. Ia’tkatá’tsi It stopped in its steps

28. Wa’tewatkahthónnionhwe It looked around

29. Ónkken It looked at me

30. Só:’k thonontakaié:ra’te Then it headed towards

31. Tsi nón:we ní:ke Where I am standing

32. Kwah tontaiononniahkonhákie It was dancing along

33. Wa’kanonhtónnionhwe hmmmmmm I thought hmmmmm

34. Wa’kenón:wake ne skawiró:wane I craved for turkey

35. Ka’wa’rákon ki’ ná:’a It must be good meat I guess

36. Akate’skón:ten I ought to roast it