Iakokianerónhstha - The Ghost

Ó:nen oié:ri nikiohwistá:’a o’karasnéha. Wa’akotá:wha ne Ákat.

Kwáh í:ken tsi tekiò:karas. Sók iakokianerónhstha wahonwá:ken. Wahatá:ti, wahén:ron, “Hoooo! Hoooo! Wah!” Sók ne Ákat ia’kiakohén:rehte ohontsió:kon, “Rákeni, óksa taseráthen. Iakokianerónhstha í:res ne kanónhskon,” wa’í:ron. Ro’nikonhratshá:ni ne ronwa’níha tsi sénhak iaharáthen tánon iahatáweia’te tsi kionnonhwétstha ne Ákat. Ó:nen kí’ wahó:ken ne iakokianerónhstha. Sá:k ethó: í:rate. Ionnitskarákhwa rote’rhó:ron. “Háo’ Sá:k, óksa’k kén nontá:se,” wahèn:ron ne ronwa’níha.

1. Ó:nen oié:ri nikiohwistá:’a Now it is 10 o’clock

2. O’karasnéha. Nighttime

3. Wa’akotá:wha ne Ákat. Ákat did go to sleep

4. Kwáh í:ken tsi tekiò:karas. It is really dark

5. Sók iakokianerónhstha wahonwá:ken. Then she saw a ghost

6. Wahatá:ti He did speak

7. Wahén:ron, “Hoooo! Hoooo! Wah!” He said, “Hooo! Hoooo! Wah!”

8. Sók ne Ákat ia’kiakohén:rehte Then Ákat did yell

9. Ohontsió:kon, Down stairs

10. “Rákeni” “Father”

11. “Óksa taseráthen.” “Hurry up stairs”

12. “Iakokianerónhstha í:res ne kanónhskon,” wa’í:ron. She said “A ghost is roaming inside the house”

13. Ro’nikonhratshà:ni ne ronwa’níha Her father is brave

14. Tsi sénhak iaharáthen He still did climb

15. Tánon iahatáweia’te And he did go in

16. Tsi kionnonhwétstha ne Ákat. Akat’s bedroom

17. Ó:nen kí’ wahó:ken ne iakokianerónhstha. Now he did see the ghost

18. Sá:k ethó: í:rate. James is standing there

19. Ionnitskarákhwa rote’rhó:ron. He is covered in a sheet

20. “Háo’ Sá:k, óksa’k kén nontá:se,” wahèn:ron ne ronwa’níha. “Come here right away James” said their father

21. Iakokianerónstha Haunted

22. Iakokiánerons kanónhsa Haunted house

23. Wata’én:naras Witch

24. Akonhonwá:tha Broom

25. Kana’tsiahón:tsi Black Cauldron

26. Kahòn:tsi nikaia’tó:ten takò:s Black Cat

27. Iehahserénhas Lantern

28. Shakonekwenhso’tsí:reks Vampire

29. Ótkon Devil

30. Ráhskenhn Skeleton

31. Iontkonwarorókstha Mask

32. Akón:wara Mask

33. Athehtó:ri Scarecrow

34. Takwa’áhson Spider

35. Teiota’á:raton Cob web

36. Wakhterón:ni I am scared

37. Iakohterón:ni She is scared

38. Rohterón:ni He is scared

39. Ketshá:nis I am afraid

40. Ietshá:nis She is afraid

41. Ratshá:nis He is afraid

42. Kheiatetshanihtén:nis I frighten her (I frighten them)

43. Koniatetshanihtén:nis I frighten you

44. Riiatetshanihtén:nis I frighten him