Okariahtà:ne Oká:ra

Òn:wa io’karahtsherá:te, Okarihstiiáhne ià:ia’k iawén:re shískare Ohiarihkó:wa, ion’wé:sen tsi niio’taríhen ne átste néktsi teiotenonhianíhton iokária. Wísk niwáhsen nihá:ti okariahtà:ne. Wa’kionkwahkwatá:se. Sók wa’tkanentshatenihon wa’kheiató:ri. Entà:on’k kanónhskon ionsakatáweia’te. Wísk niwáhsen nihá:ti okariahtà:ne ahshonhtà:ke wahatirá:ta’ne. Ta, ta, ta. Wa’tekhenon’ware’ékhon. Tsíks tekonwatinon’ware’ékstha wà:katste. Oié:ri nihá:ti okariahtà:ne wa’khério. Kaié:ri niwáhsen nihá:ti okariahtà:ne oshonkarà:ke wahatirá:ta’ne. Ta, ta, ta. Wa’tekhenon’ware’ékhon. Tsíks tekonwatinon’ware’ékstha wà:katste. Oié:ri nihá:ti okariahtà:ne wa’khério. Áhsen niwáhsen nihá:ti okariahtà:ne karonto’tsherà:ke wahatirá:ta’ne. Ta, ta, ta. Wa’tekhenon’ware’ékhon. Tsíks tekonwatinon’ware’ékstha wà:katste. Oié:ri nihá:ti okariahtà:ne wa’khério. Tewáhsen nihá:ti okariahtà:ne atekhwahráhne wahatirá:ta’ne. Ta, ta, ta. Wa’tekhenon’ware’ékhon. Tsíks tekonwatinon’ware’ékstha wà:katste. Oié:ri nihá:ti okariahtà:ne wa’khério. Oié:ri nihá:ti okariahtà:ne anitskwahráhne wahatirá:ta’ne. Ta, ta, ta. Wa’tekhenon’ware’ékhon. Tsíks tekonwatinon’ware’ékstha wà:katste. Akwé:kon ne okariahtà:ne wa’khério. Haaaaaa, tsi wa’tekhwishénheie. Sók shaià:ta ne raksá:’a wa’thohnhohón:ti tánon wísk niwáhsen nihá:ti okariahtà:ne tontahontáweia’te.

1. Òn:wa io’karahtsherá:te This evening

2. Okarihstiiáhne ià:ia’k iawén:re shískare Ohiarihkó:wa Thursday, July 16th

3. Ion’wé:sen tsi niio’taríhen ne átste It is nice how it is hot outside

4. Néktsi teiotenonhianíhton iokária. But it is terrible, there are a lot of mosquitoes

5. Wísk niwáhsen nihá:ti okariahtà:ne 50 mosquitoes

6. Wa’kionkwahkwatá:se They surrounded me

7. Sók wa’tkanentshatenihon Then I waved my arms

8. Wa’kheiató:ri I drove them away

9. Entà:on’k kanónhskon ionsakatáweia’te. I had to go back inside

10. Wísk niwáhsen nihá:ti okariahtà:ne 50 mosquitoes

11. Ahshonhtà:ke wahatirá:ta’ne. They stood on the wall

12. Ta, ta, ta. Wa’tekhenon’ware’ékhon. I swatted them

13. Tsíks tekonwatinon’ware’ékstha wà:katste. I used a fly swatter

14. Oié:ri nihá:ti okariahtà:ne wa’khério. I killed 10 mosquitoes

15. Kaié:ri niwáhsen nihá:ti okariahtà:ne 40 mosquitoes

16. Oshonkarà:ke wahatirá:ta’ne. They stepped on the floor

17. Ta, ta, ta. Wa’tekhenon’ware’ékhon. I swatted them

18. Tsíks tekonwatinon’ware’ékstha wà:katste. I used a fly swatter

19. Oié:ri nihá:ti okariahtà:ne wa’khério. I killed 10 mosquitoes

20. Áhsen niwáhsen nihá:ti okariahtà:ne 30 mosquitoes

21. Karonto’tsherà:ke wahatirá:ta’ne. They stepped on the cupboard

22. Ta, ta, ta. Wa’tekhenon’ware’ékhon. I swatted them

23. Tsíks tekonwatinon’ware’ékstha wà:katste. I used a fly swatter

24. Oié:ri nihá:ti okariahtà:ne wa’khério. I killed 10 mosquitoes

25. Tewáhsen niwáhsen nihá:ti okariahtà:ne atekhwahráhne wahatirá:ta’ne 20 mosquitoes stepped on the table

26. Ta, ta, ta. Wa’tekhenon’ware’ékhon. I swatted them

27. Tsíks tekonwatinon’ware’ékstha A fly swatter

28. Wà:katste. I used

29. Oié:ri nihá:ti okariahtà:ne wa’khério. I killed 10 mosquitoes

30. Oié:ri nihá:ti okariahtà:ne anitskwahráhne wahatirá:ta’ne.

10 mosquitoes stepped on the chair

31. Ta, ta, ta. Wa’tekhenon’ware’ékhon. I swatted them

32. Tsíks tekonwatinon’ware’ékstha wà:katste. I used a fly swatter

33. Oié:ri nihá:ti okariahtà:ne wa’khério. I killed 10 mosquitoes

34. Akwé:kon ne okariahtà:ne wa’khério. I killed all the mosquitoes

35. Haaaaaa, tsi wa’tekhwishénheie. Haaa, I got tired

36. Sók shaià:ta ne raksá:’a wa’thohnhohón:ti

Then one little boy opened the door

37. Wísk niwáhsen nihá:ti okariahtà:ne tontahontáweia’te.

And 50 mosquitoes came back in